Та анзаарсан бол олон жил ханилсан хосуудын гаргаж байгаа ааш зан, нүүрний хувирал, үг үйлдэл ихээхэн төстэй болсон байдаг. Мөн олон жил ажилласан хамт олон нэг хэвэнд цутгасан мэт адилхан шинж чанартай болсон байх жишээний. Энэ бол зүгээр ч нэг тохиолдол биш юм. Мөн та ямар хүмүүсээр хүрээлүүлнэ тийм л хүн болно гэх үг ч үнэний ортой билээ.
Толин мэдрэлийн эсийн тусламжтай бид дэргэд байгаа хүнийхээ үг үйлдлийг өөрийн ухамсаргүйгээр даган дуурайдаг. Энгийн жишээ дурдахад бидний хажууд хүн уурлахад ихэвчлэн адил хариу үйлдэл үзүүлдэг. Харин инээвэл дагаж инээдэг.
Бидний толин тусгал мэдрэлийн эсүүд бусдын сэтгэл хөдлөлийг мэдрэх үед улам идэвхждэг. Бид хэн нэгнийг гунигтай байхыг харахад бидний толин тусгал мэдрэлийн эсүүд шатдаг бөгөөд энэ нь бидэнд ижил гунигийг мэдэрч, өрөвдөх сэтгэлийг мэдрэх боломжийг олгодог.
Ингэхээр энэ нь маш чухал үүрэгтэй мэдрэлийн эс юм. Энэхүү мэдрэлийн эс нь хүүхэд төрөөд 1 нас хүрэхэд бүрэн хөгжинө. Тэгэхээр нэгээс дээш настай хүүхэд эцэг эхийнхээ үг үйлдлийг аль хэдийн мэдрээд эхлэсэн байдаг. Үүнээс үзэхэд хүүхэд эцэг эхээ дуурайдаг гэдэг нь батлагдсан онол юм.
Мөн толин мэдрэлийн эс нь зарим төрлийн мэдрэлийн өвчин, эрүүл мэнд болон нойрны асуудал, биет зүйлийн донтолт, нийгмийн харилцаа багасах зэрэг шалтгаануудаас үүдэж идэвхжил нь буурдаг. Ингэснээр бусдын зовлон жаргалыг мэдрэхгүй, яг л амьд робот эсвэл аймшгийн киноны сөрөг дүр мэт үл бүтэх нэгэн болно.
Толин тусгал мэдрэлийн эсүүд хэт идэвхжих үед хүмүүс илүү мэдрэг болж бусдын зовлон шаналалыг өөрийн мэт мэдрэх нь бий.
Мэргэжлийн сэтгэл зүйч таныг хүлээж байна: 🤙 86092012
0 Comments