Веган хоолтон болох наад захын 10-н шалтгаан

 Хүмүүс ухамсар, ёс зүй, хүн чанар, эрүүл мэнд, байгаль орчин гээд маш олон шалтгаанаар ургамлан хоолтон болдог. Эцсийн дүндээ ямар ч шалтгаанаар байсан ургамлан хоолтон болох нь доорх 10 шалтгааныг бүгдийг нь биелүүлдэг. Та яагаад заавал ургамлан хоолтон болох ёстой вэ? гэж бодож байвал веган болоход таны амьдрал сайнаар өөрчлөгдөх 10 шалтгааныг дурдъя. 😍

1. Шим тэжээлийг дээд зэргээр авна. Хүний бие шим тэжээлийг хангалттай хэмжээнд авснаар эрч хүчтэй, эрүүл урт удаан наслах үндэс болдог. Ургамлан хоолтон нь зөвхөн нэг төрлийн ногоогоор дагнаж хооллодоггүй тул төрөл бүрийн ногоо үр тарианаас авах ёстой шим тэжээлээ тултал авч чаддаг. Өөрийгөө 100% дайчилмаар байвал эхлээд хоол хүнснээсээ өөрчлөлт хийж веган болоорой. 

2. Илүүдэл жингүй болох. Ургамлан хоол нь маш бага илчлэг, сайн чанарын тос, өндөр микро шим тэжээл агуулдаг тул хүний биед өөх хуримтлуулах боломж олгодоггүй. Өөрөөр хэлбэл ургамлан хоолтон болсноор та хэзээ ч таргалахгүйн дээр хэрэв нэгэнт өөх тостой мах идэж илүүдэл жинтэй болсон бол одоо цэвэр өөхөө хаях боломж юм!

3. Урт нас. Маш олон судалгаагаар ургамлан хоолтнууд мах иддэг хүмүүсээс илүү урт насалдаг болох нь тогтоогдсон. Та ургамлан хоолтон болсноор дор хаяж 13 насаар насаа уртасгах боломжтой. 

4. Холестеролыг хэвийн түвшинд барих. Холестерол хүний биед тодорхой хэмжээнд байх ёстой элемент. Гэвч амьтны гаралтай хоол нь холестролын түвшнийг үргэлж байх ёстой хэмжээнээс давуулж байдаг. Холестролын илүүдлээс үүддэг зүрх судасны өвчлөлийг ургамлан хоолтон болсноор мартаж болно.

5. Хүчирхэг дархлаа. Үргэлж антиоксидантаар баялаг ногоо жимс жимсгэнэ идсэнээр та халдварт өвчнөөс хамгаалагдаж, өвчин туссан ч зовуурь багатай маш хурдан эдгэрдэг. Үүний ард бидний дархлаа гайхалтай хүчтэй болсон байдаг.

6. Илүү тачаангуй гоо сайхан. Хооллолт бол гадаад гоо сайхантай шууд холбоотой. Байгалийн гаралтай хоол хүнс нь хүний байгалийн гоо үзэсгэлэнг өөрөөр нь сэргээдэг. Өдөр тутмын хооллолтоосоо махыг хассанаар биеийн өө сэв, эвгүй үнэрийг арилгадаг. Харин ургамлан хоолтон болсноор илүү тачаангуй секси болно. 

7. Байгаль орчинд ээлтэй. Мал аж ахуй нь ундны ус, ой мод, газар тариалан, зэрлэг амьтадын амьдрах орчинд маш сөргөөр нөлөөлдөг. Бид өөрсдийн идэх хоол хүнсний тариалалт хийхээс хэд дахин том газар мал үржүүлж байгаль орчныг сүйтгэдэг. Веган хоолтон болсноор та байгаль орчноо хамгаална. 

8. Сексийн чадвар сайжирна. Секс бол цусны эргэлтийн тоглоом. Веган хоол нь таны цусыг шингэн байлгаж, цусны эргэлтийг түргэсгэж, бэлгийн эрхтнүүдийн цусан хангамжийг дээд цэгт нь байлгадаг. Веган хоолтон эрэгэй эмэгтэй хүний бэлэг эрхтнүүд цусаар дүүрэхгүй үе гэж байхгүй гэж ойлгож болно!

9. Сэтгэлийн амар амгалан. Энэ бүхний ард танд сэтгэлийн амар амгалан мэдрэгдэх болно. Ямар ч амьтны амиар хооллоогүй. Байгальдаа ээлтэйгээр амьдарч буйдаа өөрөө өөртөө талархах болно. 

10. Ёс зүй, ухамсар, хүн чанар сайжрах. Мэдээж веган хоолтон болсноор хүний сэтгэл, хайрын чанар нэмэгддэг. Амьд амьтныг хайрлаж, амьтны амиар хооллох шунал хүслээ дарж чадаж байгаа хүн ёс зүй, ухамсрын хувьд маш сайн төлөвшсөн байдаг.

Веган болох гээд болж чадахгүй л мах идээд яваад байна уу? Тэгвэл 10+ жил бясалгаж, ургамлан хоолоор дагнасан манай төвийн бясалгагч, сэтгэл зүйчээс зөвлөгөө авах боломжтой.