Сэтгэл зүйгээ эрүүл байлгах гол дүрмүүдийн нэг бол мэдрэмжээ хөглөх юм. Үнэрлэх, харах, сонсох, амтлах, хүрэлцэх мэдрэмж. Эдгээрээс хүрэлцэх мэдрэмж нь хүний биед үнэгүй серотонин буюу урт хугацааны сэтгэл ханамжийн дааврыг ялгаруулдаг. 🥰
Өөрөөр хэлбэл хүн ойр дотнын болон таалагддаг хүнээ тэврэх, хөтлөх, зүгээр л хүрэхэд л аз жаргал ялгарч болдог гэсэн үг юм. Ичимхий, хэт дотогшоо хүмүүс сэтгэл гутралд автах магадлал өндөр байдгийн нэг шалтгаан бол энэхүү хүрэлцэх мэдрэмжийг орхигдуулдагтай холбоотой.
Гэвч хүн бүрт харилцан адилгүй ч их бага хэмжээгээр бусдад хүрэх, бусад хүн өөрт нь хүрэх зэрэг хэрэгцээ байдаг. Зөвхөн дотно харилцаа ч бус зүгээр эерэг сэтгэгдэл төрүүлж буй шинэхэн танилтайгаа ч гар барьж арьс арьсаараа хүрэлцэж, биеийн халуун дулааныг мэдэрч байх нь тайвшрал бэлэглэж, айдас болон бусад сөрөг мэдрэмжийг дардаг.
Аризонагийн их сургуулийн Харилцааны тэнхимийн профессор Кори Флойд хүрэлцэх мэдрэмж сэтгэл зүйд хэрхэн нөлөөлж байгааг судалжээ. Судалгаанд хамгийн их ганцаардмал амьд харилцаа багатай хүмүүс хүрэлцэх мэдрэмжийн дутагдалд хамгийн их орсон байна.
Цаг үеийн нөхцөл байдлаас үүдэж хүмүүсийн хүрэлцэх мэдрэмжийн хэрэгцээ улам бүүр буурч байна. Энэ эргээд сэтгэл зүйн асуудалд сөргөөр нөлөөлж байгаа юм. Флойдийн хэлснээр бидэнд бүгдэд нь "арьсны өлсгөлөн" байдаг бөгөөд энэ нь яг л хоолоор өлсөхтэй адил таагүй мэдрэмж гэнэ. Гэвч энэ хүрэлцэх мэдрэмж дутагдаж буйгаа хүн хэн нэгэнд хүрч, хүрүүлж сэтгэлээ баясгахаас нааш мэддэггүй гэнэ.
Өөрөөр хэлбэл гоё хоол идэхээс нааш өлсөж байгаагаа мэдэхгүй ч бие таагүй оргихтой адил мэдрэмж гэж ойлгож болно. Хүрэлцэх мэдрэмжийн хамгийн дээд цэг бол секс. Секс дутагдах хүртэл хүрэлцэх мэдрэмжийн өлсгөлөнд автана гэдэг хүний сэтгэл гутралын маш том шалтгаан.
Тэгэхээр бид энэ хүрэлцэх мэдрэмжээс үүдэлтэй сэтгэл гутрал, сэтгэл ханамжгүй байдлаас салахын тулд аль болох ойр дотны хүнээ тэвэрч, илж биеийн илч дулаанаа солилцож байх нь зүйтэй юм. Бүүр боломгүй бол гэрийн тэжээвэр амьтандаа хүрэх нь ч дутахгүй үр дүнтэй байх болно!
Мэргэжлийн сэтгэл зүйчээс зөвлөгөө авах боломжтой: 🤙 86092012
0 Comments